သစ်စိမ်းမြေဩဇာ

သစ်စိမ်းမြေဩဇာ (Green Manure) အဖြစ် အသုံးပြုသောအပင်များသည် စိုက်ပျိုးမြေဆီလွှာအား မြေဆီဩဇာထက်သန်စေရန်နှင့် မြေဆီလွှာတိုက်စား ပြုန်းတီးခြင်း (Soil Erosion) မှ ကာကွယ်ရန် စိုက်ပျိုးသော ကြီးထွားမှုမြန်သည့် အပင်များ (ပဲမျိုးရင်းဝင်အပင်များနှင့် ပဲမျိုးရင်းဝင်မဟုတ်သော အပင်များ) ဖြစ်ကြသည်။ ၎င်းအပင်များသည် များသောအားဖြင့် အပင်ပု အပင်ပြန့် အမျိုးအစားဖြစ်ကြပြီး စိုက်ပျိုးနောက် မြေပြင်အား လျှင်မြန်စွာပင် ဖုံးလွှမ်း/ဖုံးအုပ်သွားတတ်သည်။ ၎င်းအပင်များအား ကြီးထွားနေချိန် (သို့) ရိတ်သိမ်းချိန်အနေအထားတွင် ထယ်ထိုးမြေလှန်ပြီး  ဆွေးမြေ့သွားစေရန် အပင်များအား မြေအောက်ရောက်သွားသည်အထိ ထယ်မှောက်ပေးရမည်ဖြစ်သည်။ သို့မှသာ မြေကြီးမှ အာဟာဓာတ်များကိုရရှိပြီး မြေဆီသြဇာထက်သန်မှု ကောင်းမွန်လာစေမည်ဖြစ်သည်။

သစ်စိမ်းမြေဩဇာအပင်များသည် မြေဆီလွှာအား အဖက်ဖက်မှ ထိန်းသိမ်းပြုပြင်ကောင်းမွန်စေပါသည်။ ပဲပုပ်၊ မြေပဲ၊ ပဲစင်းငုံ၊ ပဲတီစိမ်းကဲ့သို့ ပဲမျိုးရင်းဝင်အပင်များသည် လေထုထဲမှ နိုက်ထရိုဂျင်ဓာတ်ကို ဖမ်းယူ၍ ၎င်းတို့စားသုံးနိုင်သော ပုံစံဖြင့် အပင်တွင်း၌ ထိန်းသိမ်းထားပေးသည်။ လေထုမှ နိုက်ထရိုဂျင်ဓာတ်ဖမ်းယူမှုဖြစ်စဉ်ကို  ပဲပင်များ၏ မြစ်ဖု (Nodules) များရှိ ဘက်တီးရီးယား ပိုးများမှ လုပ်ဆောင်ပါသည်။ ၎င်းပဲပင်များနှင့် ကပ်လျက်စိုက်ပျိုးသောအပင်များ (ဥပမာ- ပြောင်းဖူး) မှလည်း ထိုနိုက်ထရိုဂျင်ဓာတ်ကို စားသုံးရရှိနိုင်ပါသည်။ ပဲပုပ်များ ပျက်စီးဆွေးမြေ့သောအခါ ၎င်းအပင်၏ အစိတ်အပိုင်းများရှိ နိုက်ထရိုဂျင်ဓာတ်သည် မြေထဲတွင်ကျန်ရှိကာ အခြားပင်များမှ ရရှိစားသုံးနိုင်သကဲ့သို့ မြေ၏ဂုဏ်သတ္တိများကို တိုးတက်ကောင်းမွန်စေပါသည်။

သစ်စိမ်းမြေဩဇာပင်များသည် မြေဆီလွှာအားရေတိုက်စားခြင်းနှင့် မိုးရေမိုးစက်တို့ထိမှန် ရိုက်ခတ်မှုကြောင့် ဖြစ်သော မြေဆီလွှာသိပ်သည်းမာကျောစေမှုကိုလည်း ကာကွယ်ပေးပါသည်။ စိုက်ပင်များမရှိသော မြေများတွင် မိုးရေစက်တို့ကြောင့် မြေဆီလွှာပျက်ဆီးခြင်း (စီးကြောင်း (Runoff) ဖြစ်ခြင်းနှင့် မြေသားကျစ်လျစ်မာသွားခြင်းစသည်) အန္တရာယ်ကို သစ်စိမ်းမြေဩဇာအပင်များအား မြေဆီလွှာဖုံးပင် (Cover crops) အဖြစ် စိုက်ပျိုးထားခြင်းဖြင့် မြေဆီတိုက်စားပျက်စီးခြင်းမှ ကာကွယ်နိုင်ပါသည်။

သစ်စိမ်းမြေဩဇာပင်များကို စိုက်ပျိုးခြင်းဖြင့် မြေဆီလွှာအား နေရောင်တိုက်ရိုက် ထိတွေ့ခြင်းကြောင့် အစိုဓာတ်ခမ်းခြောက်မှုပြသနာနှင့် လေပြင်းများတိုက်ခတ်သောအခါ မြေမှုန့်များ လေနှင့်အတူ လွင့်ပါသွားခြင်းကြောင့် မြေဆီလွှာလေတိုက်စားခြင်းပြသနာတို့မှလည်း ကာကွယ်ပေးရာ ရောက်ပါသည်။

သစ်စိမ်းမြေဩဇာအပင်များအား ၎င်းတို့ချည်းသီးသန့် (Pure stand) စိုက်ပျိုးပါက နောက်တစ်ရာသီတွင် စိုက်ပျိုးမည့် နှံစားသီးနှံများ (ပြောင်း၊ လူးဆတ်၊ နေကြာ) အတွက် မြေဆီဩဇာကို ကောင်းစေပါသည်။ ၎င်းနှံစားသီးနှံပင်များကြားတွင်လည်း သီးညှပ် (Intercrop) အဖြစ် နှင့် သစ်သီးပင်များအောက်တွင်လည်း စိုက်ပျိုးနိုင်ပါသည်။
သစ်စိမ်းမြေဩဇာပင်များစိုက်ပျိုးခြင်းကို မည့်သည်မြေမျိုးတွင်မဆို ပြုလုပ်နိုင်ပါသည်။ အထူးသဖြင့် မြေဆီဩဇာ ထက်သန်မှု နည်းသောမြေများနှင့် မိုးရေချိန်နည်း၍ အစိုဓာတ်မရှိသောကြောင့် ဓာတုမြေဩဇာများကို ထိထိရောက်ရောက် အသုံးမပြုနိုင်သောနေရာဒေသများတွင် ပို၍သင့်တော်ပါသည်။ သဲဆန်သောမြေများနှင့် ရွံ့စေးဆန်သောမြေကျပ်များ (Heavy soils) တွင်လည်း ပဲမျိုးရင်းဝင် သစ်စိမ်းမြေဩဇာပင်များကို စိုက်ပျိုးရန် သင့်တော်ပါသည်။

သစ်စိမ်းမြေဩဇာအဖြစ် အသုံးပြုရခြင်း၏ ကောင်းကျိုးများ

•  အချို့သစ်စိမ်းမြေဩဇာပင်များသည် တိရစ္ဆာန်စာအဖြစ် အသုံးပြုနိုင်ရုံသာမက မြေကြီး၏ အရည်အသွေးကိုပါ တိုးတက်ကောင်းမွန်စေပါသည်။
• တိရစ္ဆာန်အစာဖြစ်အသုံးပြုသော ပဲမျိုးရင်းဝင်တစ်မျိုးဖြစ်သည့် လူပင်းပင် (Lupin) သည် နိုက်ထရိုဂျင်ဓာတ်သာမက ဖော့စ်ဖရပ်ဓာတ်ကိုပါ ပေးပါသည်။
• အချို့ပဲမျိုးရင်းဝင်အပင်များနှင့် ပိုက်ဆံလျှော်ပင် (Sunn hemp) တို့သည် ပေါင်းပင်များပေါ်မှ အုပ်မိုးကြီးထွားလေ့ရှိကြသဖြင့် ပေါင်းပင်များ၏ ပေါက်ရောက်ကြီးထွားမှုကို ဖိနှိပ်ထားပြီးဖြစ်သည်။
• မြေအတွင်းသို့ အခြား သဘာဝမြေဩဇာများ (ဥပမာ - မြေဆွေး၊ တိရစ္ဆာန်အညစ်အကြေး) များ လိုက်လံ ထည့်ပေးရခြင်းနှင့်စာလျှင် လုပ်အားများစွာ သက်သာပါသည်။
• သစ်စိမ်းမြေဩဇာပင်များသည် စိုက်ပျိုးစရိတ်နည်း၍ လုပ်ကိုင်ဆောင်ရွက်ရမှု လွယ်ကူသည်။
• သစ်စိမ်းမြေဩဇာအစေ့များကို အလွယ်တကူရရှိနိုင်သည်။

သစ်စိမ်းမြေဩဇာအဖြစ် အသုံးပြုရခြင်း၏ ဆိုးပြစ်များ

• သစ်စိမ်းမြေဩဇာပင်များစိုက်ခြင်း၏ အကျိုးကျေးဇူးသည် ရေရှည်အကျိုးတွက်သာကောင်းပြီး ချက်ချင်း မရခြင်းဖြစ်သည်။
• သစ်စိမ်းမြေဩဇာပင်များကို စိုက်ပျိုးပြီး စိုက်ခင်းများအတွင်း အလွယ်တကူ ထယ်မှောက်၍ မြေကြီးအတွင်း ရောက်ရှိအောင် ရောနှောခြင်း မပြုနိုင်ပေ။
• သစ်စိမ်းမြေဩဇာအဖြစ်စိုက်ပျိုးသော အချို့ပဲမျိုးများ (ပဲကြီး၊ Velvet bean) သည် အဓိကသီးနှံပင် များအဖြစ် စိုက်ပျိုးထားသောအပင်များနှင့် အာဟာရဓာတ်၊ နေရောင်ခြည်၊ အစိုဓာတ်တို့ကို လုယူစားသုံးကြ သောကြောင့် အဓိကသီးနှံပင်များကို အနှောင့်အယှက်မဖြစ်စေသော သစ်စိမ်းမြေဩဇာပင် များအား ဂရုတစိုက်ရွေးချယ်ရန် အရေးကြီးပါသည်။
• အချို့သစ်စိမ်းမြေဩဇာပင်များသည် အဓိကစိုက်ထားသောသီးနှံပင်များကိုပါ ဖျက်ဆီးတတ်သည့် ပိုးမွှား ရောဂါတို့ကို ဖိတ်ခေါ်တတ်သည်။
• အချို့သစ်စိမ်းမြေဩဇာပင်များသည် အဓိကစိုက်ထားသော သီးနှံစိုက်ခင်းများအတွင်း အစေ့များတည်ကျ ကျန်ခဲ့ပြီး နောက်စိုက်ပျိုးရာသီတွင် ပေါင်းပင်များအဖြစ် ကြီးထွားလာတတ်သည်။
• သစ်စိမ်းမြေဩဇာအဖြစ် အသုံးပြုမည့်အပင်များသည် ခြောက်သွေ့ပူပြင်းသောဒေသများတွင် အောင်မြင်စွာ မဖြစ်ထွန်းနိုင်ပေ။
• ယခင်က ပဲမျိုးရင်းဝင်သစ်စိမ်းမြေဩဇာပင်များအား မစိုက်ခဲ့ဖူးလျှင် မြေကြီးအတွင်း၌ ၎င်းတို့လိုအပ်သော နိုက်ထရိုဂျင်ဖမ်းယူမည့် ဘက်တီးရီးယားပိုးများ မရှိနိုင်ပေ။

လိုအပ်သောပစ္စည်းများ

•  သစ်စိမ်းမြေဩဇာအဖြစ် အသုံးပြုမည့်အပင်၏ မျိုးစေ့များ
•  ပေါက်ပြား
•  အချို့ပဲမျိုးရင်းသစ်စိမ်းမြေဩဇာပင်များအတွက် ဇီဝမြေသြဇာ (Inoculants)
•  အစေ့များနှင့်ရောကျဲပက်ရန် သဲ

သစ်စိမ်းမြေဩဇာအဖြစ် အသုံးပြုနိုင်သည့် နမူနာအပင်များ

လူစားပဲမျိုးရင်းအပင်များ (Food Legumes)
          - ကုလားပဲ (Chickpea)
          - ပဲလွန်း (Cowpea)
          - ပဲတီစိမ်း (Green gram)
          - မြေပဲ (Groundnut)
          - ပဲကြီး (Lablab bean)
          - ပဲစင်းငုံ (Pigeon pea)
တိရစ္ဆာန်စာ ပဲမျိုးရင်းအပင်များ (Fodder Legumes)
          - ပဲကြီး (Lablab bean)
          - လူပင်း (Lupin)
          - ပိုက်ဆံလျှော် (Sunn hemp)
          - Velvet bean (ခွေးလှေးယားပင် အယဉ်မျိုးဟု ထင်သည်)
အခြားအပင်များ (Others)
          - ဖရုံ (Pumpkin)
          - ကစွန်းဥ (Sweet Potato)

သစ်စိမ်းမြေဩဇာပင်များအား သီးသန့်စိုက်ပျိုးခြင်း (Pure Stand)

• မြေကိုတူးဆွ၍ ပေါင်းမြက်များကို ရှင်းလင်းဖယ်ရှားပြီး ပျိုးဘောင်တစ်ခုပြင်ဆင်ပါ။
• ပျိုးဘောင်အား ရေလောင်းပြီး မျိုးစေ့ (သို့) ကိုင်းဖြတ်စများ (cuttings) အား စိုက်ပျိုးပါ။ မြေပြင်အား မြန်မြန်ဖုံးအုပ်သွားစေရန် စိပ်စိပ်စိုက်ပျိုးပါ။
• လိုအပ်ပါက ပေါင်းနှင့် ပိုးမွှားများကို ကာကွယ်ပေးရမည်။
• ပန်းပွင့်လာသောအချိန်တွင် ပဲကဲ့သို့သော သစ်စိမ်းမြေဩဇာပင်များသည် ၎င်းတို့၏ အမြစ်များရှိ မြစ်ဖုများတွင် နိုက်ထရိုဂျင်ကို ဖမ်းယူစုဆောင်းနေပြီဖြစ်သည်။ ပန်းပွင့်ပြီးနောက် ကြွေကျသွားသော အရွက်များသည်လည်း မြေထဲတွင် သဘာဝမြေဩဇာများ တိုးပွားကြွယ်ဝလာစေသည်။ ပိုက်ဆံလျှော် ပင်အား ပန်းပွင့်ပြီးနောက် မြေအတွင်းသို့ ထယ်ထိုး၍ မှောက်ပစ်ရမည်။
• ကျွဲနွားတိရစ္ဆာန်အစာလိုအပ်ပါက သစ်စိမ်းမြေဩဇာပင်များ၏ ပင်စည်နှင့်အရွက်များကို ရိတ်၍ ကျွေးနိုင် သည်။
• သီးတောင့်များရှိသော အပင်များအား ရိတ်သိမ်းပါ။
• အပင်၏ ကျန်ရှိသော အစိတ်အပိုင်းအားလုံးကို နေ့ချင်းပြီး မြေအတွင်းသို့ ထယ်မှောက်ပစ်ပါ။ တိရစ္ဆာန်အစာအဖြစ်အသုံးပြုမည့် ပဲကြီးနှင့် Velvet bean ကဲ့သို့ အပင်များကို ၂ နှစ်သားအထိ ချန်လှပ် ထားနိုင်သည်။
• နောက်သီးနှံမစိုက်ပျိုးမီ သစ်စိမ်းမြေဩဇာပင်အစိတ်အပိုင်းများကို ဆွေးမြေ့စေရန် အနည်းဆုံး တစ်ပတ်ခန့် ထားပါ။
• နောက်စိုက်ပျိုးရာသီတွင် နှံစားသီးနှံ (Cereal) ကို သီးသန့်သော်လည်းကောင်း (သို့) ပဲနှင့် သီးညှပ်၍ သော်လည်းကောင်း စိုက်ပျိုးနိုင်ပါသည်။

ဆောင်ရန်များ

• မိမိလိုအပ်ချက်နှင့် ကိုက်ညီသော မှန်ကန်သည့်သစ်စိမ်းမြေဩဇာပင်အမျိုးအစားကို ရွေးချယ်ပါ။
• ပေါင်းစေ့များ မပါဝင်အောင် ဆောင်ရွက်ပါ။
• ပဲမျိုးရင်ဝင် သစ်စိမ်းမြေဩဇာမျိုးစေ့များရရှိရန် အခက်အခဲရှိပါက အကွက်ငယ်တွင် ပထမဦးစွာ မျိုးရရှိရန် စိုက်ပျိုးပါ။
• နှံစားသီးနှံပင်များအား ပဲများနှင့် သီးညှပ်စိုက်လျှင် ပုံမှန်ပင်ကြားတန်းကြား အကွာအဝေးဖြင့် စိုက်ပျိုးပါ။
• အစေ့သေးငယ်သော သစ်စိမ်းမြေဩဇာပင်မျိုးစေ့များ (ဥပမာ- ပိုက်ဆံလျှော်) အား မကြဲပျက်မီ အထူအပါး ညီညာစေရန် သဲဖြင့် ဆတူရော၍ ကြဲပက်ပါ။
• မြစ်ဖုအများအပြားထွက်ရှိစေရန် ပဲပုပ်အစေ့များအား ဇီဝမြေသြဇာ (Inoculants) ဖြင့် လူးနယ် စိုက်ပျိုးပါ။ အခြားပဲမျိုးရင်း အပင်များလည်း လိုအပ်ပါက Inoculants အသုံးပြုပါ။
• သစ်စိမ်းမြေဩဇာစိုက်ခင်းအား ပေါင်းနှိမ်နင်းပါ။
• အဓိကစိုက်ပျိုးသော သီးနှံများကို အနှောင့်အယှက်မဖြစ်စေရန် သစ်စိမ်းမြေဩဇာပင်များကို အကိုင်းအခက် (Canopy) များကို တိရစ္ဆာန်စာအဖြစ် ရိတ်ဖြတ်ကျွေးနိုင်သည်။

ရှောင်ရန်များ

• စိုက်မည့်မြေသည် စိုလွန်းခြောက်လွန်းပါက သစ်စိမ်းမြေဩဇာပင်မျိုးစေ့များ အညှောက်မပေါက်နိုင် သောကြောင့် မစိုက်သင့်ပေ။
• သစ်စိမ်းမြေဩဇာစိုက်ခင်းအား ကျွဲနွားလွှတ်မကျောင်းသင့်ပေ။ ၄င်းတို့အား သီးသန့်ရိတ်ပြီး လွတ်ရာတွင် ကျွေးမွေးနိုင်သည်။
• ပဲမျိုးရင်း သစ်စိမ်းမြေဩဇာပင်များအား မီးဖိုဆောင်ဟင်းချက်စရာအဖြစ် (သို့) တိရစ္ဆာန်စာအဖြစ် အမြောက်အမြား မရိတ်သိမ်းသင့်ပေ။

သစ်စိမ်းမြေဩဇာပင်များအား သီးညှပ်စိုက်ပျိုးခြင်း (Intercrop)

• သစ်စိမ်းမြေဩဇာပင်များအား အဓိကစိုက်သောသီးနှံပင်များ၏ စိုက်တန်းများကြားတွင်  သီးညှပ်အဖြစ်စိုက် ပျိုးနိုင်သည်။ အဓိကစိုက်ပျိုးသောသီးနှံပင်များအား အနှောင့်အယှက်မဖြစ်စေရန် သစ်စိမ်းမြေဩဇာပင်များ စိုက်သောအခါ စိုက်မည့်အပင်အမျိုးအစားနှင့် စိုက်ရာသီတို့ကို သေချာ ရွေးချယ်ရပါမည်။
• မိမိစိုက်ပျိုးမည့်ဒေသနှင့် ကိုက်ညီဖြစ်ထွန်းသော ပဲမျိုးရင်းဝင် သစ်စိမ်းမြေဩဇာပင်များအား ရွေးချယ်ပြီး မျိုးစေ့အလုံအလောက်ရရှိအောင် ဆောင်ရွက်ပါ။
• အစေ့သေး ပဲမျိုးရင်းဝင်အပင်များ (ဥပမာ - ပိုက်ဆံလျှော်) အား ကျဲပက်ပါ။ အစေ့ကြီးမျိုးများအား နှံစားသီးနှံပင်တန်းကြားများတွင် စိုက်ပျိုးပါ။ ပဲကြီးနှင့် Velvet bean ပင်များအား နှံစားသီးနှံပင်များစိုက်ပြီး ၂ ပတ်ကြာမှ စိုက်ပျိုးပါ။
• လိုအပ်ပါက ပေါင်းနှင့် ပိုးမွှားများကို ကာကွယ်ပေးရမည်။
• ပန်းပွင့်လာသောအချိန်တွင် ပဲကဲ့သို့သော သစ်စိမ်းမြေဩဇာပင်များသည် ၎င်းတို့၏ အမြစ်များ ရှိမြစ်ဖုများတွင် နိုက်ထရိုဂျင်ကို ဖမ်းယူစုဆောင်းနေပြီဖြစ်သည်။ ပန်းပွင့်ပြီးနောက် ကြွေကျ သွားသောအရွက်များသည်လည်း မြေထဲတွင် သဘာဝမြေဩဇာများ တိုးပွားကြွယ်ဝလာစေသည်။ ပိုက်ဆံလျှော်ပင်အား ပန်းပွင့်ပြီးနောက် မြေအတွင်းသို့ ထယ်ထိုး၍ မှောက်ပစ်ရမည်။
• ကျွဲနွားတိရစ္ဆာန်အစာလိုအပ်ပါက သစ်စိမ်းမြေဩဇာပင်များ၏ ပင်စည်နှင့်အရွက်များကို ရိတ်၍ ကျွေးနိုင် သည်။
• သီးတောင့်များရှိသောအပင်များအား ရိတ်သိမ်းပါ။
• အပင်၏ကျန်ရှိသော အစိတ်အပိုင်းအားလုံးကို နေ့ချင်းပြီး မြေအတွင်းသို့ ထယ်မှောက်ပစ်ပါ။ တိရစ္ဆာန်အစာအဖြစ်အသုံးပြုမည့် ပဲကြီးနှင့် Velvet bean ကဲ့သို့ အပင်များကို ၂ နှစ်သားအထိ ချန်လှပ် ထားနိုင်သည်။
• နောက်သီးနှံမစိုက်ပျိုးမီ သစ်စိမ်းမြေဩဇာပင်အစိတ်အပိုင်းများကို ဆွေးမြေ့စေရန် အနည်းဆုံး တစ်ပတ်ခန့် ထားပါ။
• နောက်စိုက်ပျိုးရာသီတွင် နှံစားသီးနှံ (Cereal) ကို သီးသန့်သော်လည်းကောင်း (သို့) ပဲနှင့်သီးညှပ်၍ သော်လည်းကောင်း စိုက်ပျိုးနိုင်ပါသည်။

သစ်စိမ်းမြေသြဇာ

အစိမ်းရောင် အပင် အစိတ်အပိုင်း များကို မြေကြီးတွင်းသို့ ထယ်ထိုးမြုပ်နှံပြီး ဆွေးမြေ့စေကာ မြေသြဇာ အဖြစ် အသုံးပြုခြင်းကို သစ်စိမ်းမြေသြဇာ ကျွေးခြင်းဟု ခေါ်ပါသည်။ သစ်စိမ်းမြေသြဇာ ပြုလုပ်ရာတွင် အပင်ကြီးထွားမှုမြန်ပြီး အစေ့ အလွယ်တကူရနိုင်သော အပင်များကို အသုံးပြုနိုင်သည်။ ထိုအပင်များထဲတွင် နိုင်ထရိုဂျင် အဟာရ (အပင်ကြီးထွားမှု အားပေးသည့် ပုလဲဓာတ်မြေသြဇာ တွင်ပါသော အဓိက ဓာတ်) ကို မြေကြီးထဲ ပြန်လည် ထည့်ပေးသော ပဲအမျိုးမျိုးကို အသုံးပြုမှု များသည်။

သစ်စိမ်းမြေသြဇာအဖြစ် အသုံးပြုပါက စဉ်းစားသင့်သည့် အချက်များ

• မျိုးစေ့ရရှိမှုလွယ်ကူပြီး ဈေးသက်သာမှုရှိခြင်း
• အပင်ပေါက် ရာခိုင်နှုန်း မြင့်မားမှု ရှိခြင်း
• အပင်ကြီးထွားမှု မြန်ပြီး အရွက်များများ ထွက်နိုင်မှုရှိခြင်း
• ရေလိုအပ်မှု လျော့နည်းခြင်း၊ ရောဂါပိုးမွှားဒဏ်ခံနိုင်ခြင်း၊ အကြမ်အတမ်းခံနိုင်ခြင်း
• ပဲ အမျိုးအနွယ်ဝင် ဖြစ်ခြင်း
• ကုန်ကျစရိတ် သက်သာပြီး လွယ်ကူစွာ စိုက်ပျိုးနိုင်ခြင်း
• လွယ်ကူစွာ ရှင်းလင်း ပစ်နိုင်ခြင်း၊ နှိမ်နှင်းရလွယ်ခြင်း (ပေါင်းအဖြစ် မပြောင်းလဲနိုင်စေရန်)
• စိုက်မည့် သီးနှံအပေါ် ဆိုးကျိုးသက်ရောက်မှု မရှိခြင်း
• စိုက်ခင်း ဧရိယာ အသုံးချနိုင်မှု (ပလပ်ဧရိယာ)
• အဓိက သီးနှံစိုက်ပျိုးမည့် အချိန်

သစ်စိမ်းမြေသြဇာ စိုက်ပျိုး ပြုလုပ်ရာတွင် သတိထားရမည့် အချက်များ
စိုက်ပျိုး ပြုလုပ်မည့် မြေကွက်တွင် အစိုဓာတ်အသင့်တင့်ရှိရပါမည်။ သို့မဟုတ် ရေပေးသွင်းရပါမည်။ အဘယ်ကြောင့် ဆိုသော် သစ်စိမ်မြေသြဇာသည် အချိန်တိုတွင်း စိုက်ပျိုးရမည့် အပင်ဖြစ်ပြီး ကောင်းစွာ ဖြစ်ထွန်း ရန်နှင့် မြေကြီး အတွင်း ထိုးမြုပ်ပြီးနှောက် ကောင်းစွာ ဆွေးမြေ့နိုင်ရန် လိုအပ်သော အစိုဓာတ်ရှိနေရန် လိုအပ်ပါသည်။ အစိုဓာတ် မလုံလောက်ပါက သစ်စိမ်းမြေသြဇာ အပင်များ ဆွေးမြေ့ဖို့ ကြာသွားနိုင်သည့်အပြင် စိုက်ပျိုးမည့် သီနှံများအတွက် အဟာရ ဓာတ်ရရှိမှု နည်းသွားနိုင်ပါသည် (မြေကြီးထဲမှ အဟာရများကို သစ်စိမ်း မြေသြဇာအပင်များက စားသုံးထားပြီး မဆွေးမြေ့သေးသောကြောင့် မြေကြီးထဲ ပြန်လည် ထည့်သွင်းမပေးနိုင်သေးသောကြောင့်)။ ထိုကြောင့် မိုးနည်းသောဒေသ၊ အစိုဓာတ် ထိန်းထားနိုင်မှု အားနည်းသော မြေ အမျိုးအစားများနှင့် ရေရရှိမှု အပေါ်မူတည်၍ သစ်စိမ်းမြေသြဇာ စိုက်ပျိုးပြုလုပ်ရန် သင့်မသင့် စဉ်းစားသင့်ပါသည်။

ထယ်ထိုးမြှုပ်နှံရမည့် အချိန်

သစ်စိမ်းမြေသြဇာ အပင်များကို ထယ်ထိုးမြှုပ်ရမည့် အကောင်းဆုံးအချိန်မှာ ပန်းပွင့်ချိန်ဖြစ်သည်။ သစ်ပင်များ၏ သဘာဝအရ ပန်းပွင့်ချိန်တွင် အပင်တွင်း အဟာရများ ပြည့်ဝနေပြီး ပင်စည်များမှာ မရင့်သေးသည့် အတွက် ဆွေးမြေ့ရန် အတွက် အချိန်ကြာကြာ မလိုအပ်ပါ။

ထိုထက် ပိုထားပါက အဟာရများမှာ အသီးများ၊ အစေ့အဆန်များ ထဲတွင် ရောက်ရှိသွားပြီး ပင်စည်များ မာကြောလာကာ ဆွေးမြေ့ချိန် ကြာမြင့်လာပါမည်။ ပန်းပွင့်ချိန် ထက်စောပြီး မြေမြှုပ် ပါက ဆွေးမြေ့ ချိန် မြန်သော် လည်း အပင် အရွယ်အစား သေးသည့် အတွက် အဟာရ ရရှိမှု နည်း မည်ဖြစ်ပါသည်။ ယာမြေ၊ ယာသီးနှံများ အတွက် မြေမြှုပ်ပြီး တစ်လကြာလျှင် စိုက်ပျိုးနိုင်သည်။ လယ်မြေ များ တွင်မှု သစ်စိမ်းမြေသြဇာ ကျွေးပြီး ၂-၃ ပတ်ကြာ တွင် စိုက်ပျိုးနိုင်ပါသည်။
သစ်စိမ်းမြေသြဇာကို အပင် တိုက်ရိုက် မစိုက်ပျိုးဘဲ အခြားနေရာမှာ စိုက်ပျိုးထားသော အရွက်စိမ်းများ ဥပမာ ဘောစကိုင်း၊ ကုက္ကိုလ်၊ ညံပင် စသည်တို့ကို ခူးယူသယ်ဆောင်ပြီး စိုက်ခင်းထဲတွင် ထယ် ထိုးမြှုပ်နှံ၍ မြေသြဇာပြု လုပ်နိုင်ပါသည်။ အကိုင်းနုများ၊ အရွက်များကို သီးခြားသန့်ယူပြီး ပြုလုပ်သင့်ပါသည်။

အကျိုးကျေးဇူးများ

ကုန်ကျစရိတ်သက်သာခြင်း
သစ်စိမ်းမြေသြဇာက နွားချေး၊ ကြက်ချေးသုံးတာထက် ကုန်ကျစရိတ် ပိုသက်သာစေပါတယ်။ မျိုးစေ့ ရှိရုံနဲ့ မိမိစိုက်ခင်းထဲကို မြေသြဇာ လွယ်ကူစွာ ထည့်သွင်းနိုင်ပါသည်။ နွားချေး၊ ကြက်ချေး ထည့်သွင်း မည်ဆိုပါက (ကိုယ်ပိုင်မွေးမြူ မထားပါက) ကုန်ကျစရိတ်များသည့် အပြင် ထိုအညစ်အကြေးများ ထဲတွင် ပေါင်းစေ့များစွာ ပါဝင်လေ့ရှိပါသည်။ ထို့အပြင် သယ်ယူခြင်း၊ စိုက်ခင်း တွင် ဖြန့်ဖြူးခြင်း နှင့် မြေကြီးထဲသို့ ထည့်သွင်းပေးရန် ထပ်ဆင့် လိုအပ်နေပါသေးသည်။

သဲဆန်သော မြေများအတွက် ကောင်းမွန်ခြင်း
သစ်စိမ်းမြေသြဇာသည် သဲဆန်သော မြေများကို ကောင်းမွန်လာအောင် ပြုပြင်နိုင်စွမ်းရှိသည်။ အစိုဓာတ်ကို ထိန်းသိမ်းပေးနိုင်သည့်အပြင် အဟာရကိုပါ မြင့်တက်စေပါသည်။ အပင် အဟာရများ မိုးရေနှင့် ပါမသွားအောင် ထိန်းသိမ်းပေးပြီး စိုက်ပျိုပင်များအတွက် အဟာရပြန်လည် ထုတ်ပေးပါသည်။

မြေနေသတ္တဝါများအတွက်
သစ်စိမ်းမြေသြဇာ သုံးစွဲခြင်းဖြင့် မြေကြီးထဲတွင် အကျိုးပြု ဘက်တီးရီးယားများနှင့် တီကောင်များ ပွားများစေပါသည်။ ထိုအကျိုးပြု သက်ရှိများ များလေလေ အပင်အတွက် အသုံးဝင်သော အဟာရများကို ဖြိုခွဲပေးနိုင်လေလေ ဖြစ်ပါသည်။

စေးသော မြေများအတွက် ကောင်းမွန်ခြင်း
စေးသော မြေများတွင် သစ်စိမ်းမြေသြဇာ အသုံးပြုခြင်းဖြင့် မြေဆီလွှာ ပိုမိုကောင်းမွန်လာစေသည်။ သြဂဲနစ် ပစ္စည်းများသည် နေအပူကြောင့် မြေများ ခြောက်သွေ့သောပြီး ပက်ကြားအက်ခြင်း မှ ကာကွယ်ပေးနိုင်ပါသည်။

မြေဆီလွှာ တိုက်စားခံရခြင်းမှ ကာကွယ်ပေးခြင်း
စိုက်ပျိုးရေးအတွက် အသုံးဝင်ဆုံးသော အပေါ်ယံမြေဆီလွှာကို လေနဲ့ ရေတိုက်စားခြင်းမှ ကာကွယ်ပေးပါတယ်။ စိုက်ခင်း တစ်ခုလုံးကို အပြည့်စိုက်ဖို့ စိတ်ကူးမရှိတဲ့မျိုးမှာ သစ်နှံမစိုက်တဲ့ နေရာတွေမှာ ယခုလို သစ်စိမ်းမြေသြဇာ စိုက်ဖို့ ရွှေးချယ် လိုက်တာ မှန်ကန်ပါသည်။

အရင်းအနှီးမလိုအပ်ခြင်း
သစ်စိမ်းမြေသြဇာက လုံးဝ အရင်းအနှီး မလိုအပ်ပါ။ မိမိဘက်က စိုက်ထုတ်ရန်မှာ မျိုးစေ့နှင့် အချိန်သာဖြစ်သည်။ တစ်ကွင်းတစ်စပ်လုံး စိုက်ပျိုးဖို့ အခွင့်အရေး မရှိခဲ့ရင် အကောင်းဆုံးကတော့ ပဲတစ်မျိုးမျိုးကို သစ်စိမ်းမြေသြဇာအဖြစ် စိုက်ပြီး ပစ်ထားလိုက်ပါ။ မြေကြီးထဲကို သီးနှံပင်တွေအကြိုက် နိုက်ထရိုဂျင်တွေ အများကြီး ထည့်ပေးနေပါလိမ့်မည်။

မြေကြီးကို လွှမ်းခြုံပေးမည့် စောင်တစ်ထည်
အပင်ကြီးထွားမှုမြန်တဲ့ အပင်တစ်မျိုးမျိုး၊ ပဲတစ်မျိုးမျိုး စိုက်ထား လိုက် မည် ဆိုပါက ပေါင်း ပေါက်ရောက်မှု နည်းအောင် ပြုလုပ်ပေး ပါသည်။ သစ်စိမ်းမြေသြဇာ ပင်တွေရဲ့ အရွက်တွေက တစ်ခုနှင့် တစ်ခု ယှက်ပြီး မြေကြီးကို စောင် တစ်ထည်လို ခြုံလွှမ်း ထားပေး တဲ့အတွက် ပေါင်းပင်တွေ အလင်းရောင် မရတဲ့ အခါ ရှင်သန်ပေါက်ရောက်မှု ကို လျော့ကျစေပါသည်။ သစ်စိမ်းမြေသြဇာကို နှစ်ရာသီ သုံးရာလောက် ဆက်တိုက် စိုက်ပျိုးကပါ ပေါင်းပေါက်ရောက်မှုကို သိသိသာသာ လျော့နည်းစေမှာ ဖြစ်ပါတယ်။

မြေကြီး အပူချိန်ကို ထိန်းညှိပေးခြင်း
သစ်စိမ်းမြေသြဇာ ပင်တွေက မြေကြီးရဲ့ အပူချိန်ကို ထိန်းညှိပေးနိုင်စွမ်း ရှိကြပါသည်။ နွေရာသီအချိန်မှ မြေကြီးကို အပူချိန် အရမ်းမတက်အောင် ထိန်းထားပေးနိုင်သလို ဆောင်းရာသီအချိန်မှာလည်း မြေကြီး အပူချိန် အရမ်းကျ မသွားအောင် ကူညီပေးပြန်ပါတယ်။ ဒီလိုလုပ်ဆောင်ပေးသောကြောင့် မြေကြီးတွင်းရှိ အကျိုးပြုအဏုဇီဝ များ ရှင်သန်နိုင်စွမ်းကို တိုးမြှင့်ပေးနေပါတယ်။

အမြစ်နက်နက် ထိုးဆင်းနိုင်ခြင်း
သစ်စိမ်းမြေသြဇာ ပင်တွေ၏ အမြစ်တွေက မြေကြီး နက်နက်ထဲသို့ ဆင်းနိုင်ပြီး အပင် အဟာရတွေကို အပေါ်ယံမြေဆီလွှာသို့ သယ်ဆောင်ပေး ပါတယ်။ သာမန် သီးနှံပင်တွေရဲ့ အမြစ်တွေသည် အပေါ်ယံ မြေဆီလွှာ မှာသာ ရှိနေ တတ်ကြ ပါသည်။ အမြစ်နက်နက်ဆင်းသွားပြီး ထိုအမြစ်များ ဆွေးမြေ့သွားတဲ့ အခါမှာ မြေဆွေး အဖြစ်သို့ ပြောင်းပေးသွား ပါသည်။ ထို့အပြင် အမြစ်နက်နက် ဆင်းသွားခြင်း အားဖြင့် တီကောင်များအတွက် လမ်းကြောင်း ထွင်ပေးပြီး ဖြစ်သွားပါသည်။

ပတ်ဝန်းကျင်နဲ့ ကျန်းမာရေး
သစ်စိမ်းပင်တွေက သီးနှံပင်တွေကို ကူညီပေးရုံသာမက ပတ်ဝန်းကျင်ကိုပါ ကူညီပေးပါသည်။ သစ်စိမ်းမြေသြဇာ သုံးခြင်းအားဖြင့် ဓာတ်မြေသြဇာ များများသုံးဖို့ မလိုအပ်တော့ပါဘူး။ ဓာတ်မြေသြဇာ လျော့သုံးလိုက်ခြင်းအားဖြင့် ပတ်ဝန်းကျင်ရှိ မြေကြီးနဲ့ ရေထဲသို့ ဓာတ်တုအဆိပ်တွေ စီးဆင်မှုကို လျော့နည်းစေပါသည်။ ထို့အပြင် မိသားစုစားသုံးမည့် ဟင်းသီးဟင်းရွက်များထဲတွင် ဓာတုအဆိပ်များ လျော့နည်းစေပါတယ်။ မည်သို့ပင်ဖြစ်စေ ဓာတ်မြေသြဇာ လျော့ သုံးခြင်းဟာ ကောင်းမွန်တဲ့ အချက်တစ်ချက် ပင်ဖြစ်ပါသည်။

ကိုးကား - Green Way စိုက်ပျိုးရေး သင်တန်းစာအုပ်

အင်တာနက်မှ ကူးယူဖေါ်ပြခြင်းဖြစ်ပါသည်။